მონრეალი: “გაგვიმართლა, რომ სანჩესის და ოზილის მსგავსი მოთამაშეები გვყავს”
ლონდონის “არსენალის” ფეხბურთელმა, ნაჩო მონრეალმა თანაგუნდელებზე, მესუთ იოზილზე და ალექსის სანჩესზე კლუბის ოფიციალურ ვებგვერდთან ისაუბრა.
“დიდი ხანია, რაც ორივე მათგანი ფეხბურთშია. ყველამ იცის რისი გაკეთება შეუძლიათ მესუთსა და ალექსისს. ვიტყვი, ძალიან გაგვიმართლა, რომ ასეთი მოთამაშეები გუნდში გვყავს. ჩემი აზრით, როცა “არსენალი” უტევს, ჩვენი მეტოქეები სწორედ ოზილზე და სანჩესზე აკეთებენ განსაკუთრებულ აქცენტს.”
“მესუთი არის ის, ვისთანაც ერთად თამაში გსიამოვნებს.”
“ალექსისი სრულყოფილებაა. ის ყველა ასპექტში შესანიშნავია: საჰაერო ორთაბრძოლებშიც კი, მიუხედავად იმისა, რომ მაღალი არაა. ჩილელს კარგი დარტყმა აქვს და ცარიელი სივრცეების მოძებნა და გახსნაც საოცრად შეუძლია. იტანს ბევრ გოლს… მოკლედ, ის გენიალური სპორტსმენია,” – განაცხადა “მეთოფეთა” მარცხენა მცველმა.
