ული ჰიონესმა ანჩელოტის პოტენციური ჩამნაცვლებელი დაასახელა

ული ჰიონესს სჯერა, “ბაიერნის” მეორე გუნდის ექს-ფეხბურთელი, რალფ ჰაზენჰიუტლი საკმარისად ძლიერია იმისათვის, რომ მიუნხენის “ბაიერნის” მთავარი მწვრთნელის პოსტი ჩაიბაროს.

შეგახსენებთ, რომ რალფი ამჟამად “ლაიფციგის” მთავარი მწვრთნელია, რომელიც თავისი ბრწყინვალე ასპარეზობით მთელ მსოფლიოს აკვირვებს.

“რალფ ჰაზენჰიუტლი “ლაიფციგში” საკმაოდ კარგად მუშაობს. თუ გერმანულად მოსაუბრე მწვრთნელის მოყვანაზე ვფიქრობთ, ის ერთ-ერთია სამ კანდიდატთაგან.

მართალია, “ბაიერნის” ახალი მწვრთნელის თემა დღის წესრიგში არ დგას, თანაც მას ცოტა მეტი გამოცდილებაც ესაჭიროება, რათა ახალგაზრდებთან მუშაობის კუთხით გაუმჯობესდეს.” – განაცხადა ულიმ.