ნეიმარი: “მესი “ბარსელონასთან” კონტრაქტს სულ მალე გაახანგრძლივებს”

“ბარსელონას” ბრაზილიელ ვარსკვლავს, ნეიმარს სჯერა, რომ “ბარსელონასა” და ლიონელ მესის შორის არსებული კონტრაქტის გახანგრძლივება გარდაუვალი რამაა.

“დიდი იმედი გვაქვს, რომ მესი “ბარსელონაში”, ჩვენთან დარჩება.” – განუცხადა ნეიმარმა სან პაულოში ყოფნისას ჟურნალისტებს.

“წესით, მესიმ “ბარსელონასთან” კონტრაქტი სულ მალე უნდა გაახანგრძლივოს.” – დაამატა მან.

ბრაზილიელმა ფეხბურთელმა მისი ამჟამინდელი ფორმაც შეაფასა: “ძალიან კმაყოფილი ვარ წლევანდელი სეზონით, მიუხედავად იმისა, რომ ბევრი გოლი არ გამიტანია.

გოლები თავისით მოვა. ძალიან მახარებს, რომ ამდენი საგოლე გადაცემა დავაგროვე, რაც ნიშნავს, რომ გუნდს ვეხმარები – ეს კი უმნიშვნელოვანესია.”