დღის მთავარი სატრანსფერო ამბები (28 დეკემბერი)
მარსიალი “მანჩესტერ იუნაიტედს” ტოვებს
“მანჩესტერ იუნაიტედის” ფორვარდი, ანტონი მარსიალი ესპანურ “სევილიაში” გადასასვლელად ემზადება. მისმა აგენტმა, ფილიპე ლამბოლიმ განაცხადა: “სევილიურ ვარიანტს ახლოდან ვაკვირდებით.
“სევილია” დიდებული კლუბია, თანაც ლა ლიგის სატურნირო ცხრილშიც კარგ პოზიციაზე არიან და ჩემპიონთა ლიგაზეც თამაშობენ. მათ ძლიერი მწვრთნელიც ჰყავთ. ამ დროისთვის მხოლოდ ამის თქმა შემიძლია.”
ვინ იქნება პეპეს შემცვლელი?
მადრიდის “რეალის” ვეტერანი მცველი, კეპლერ პეპე სულ მალე 34 წლის გახდება. მადრიდელებმა უკვე დაიწყეს მის შემცვლელებზე ფიქრი.
ესპანურ Sport-ს თუ დავუჯერებთ, ზინედინ ზიდანი “რეალის” მფლობელობაში მყოფი 19 წლის ცენტრალური მცველის, ხესუს ვალეხოს კანდიდატურას უჭერს მხარს, რომელიც ამჟამად ფრანკფურტის “აინტრახტის” ღირსებას იცავს.
კლატენბურგი ჩინელებს უნდათ
პრემიერ ლიგის მსაჯი, მარკ კლატენბურგი ჩინური სუპერ ლიგის ბოლო ახირება გახლავთ. ამ ინფორმაციას Daily Mirror-ის გამომცემლობაც ადასტურებს.
როგორც იცით, წლის საუკეთესო მსაჯს, კლატენბურგს ისეთი მნიშვნელოვანი მატჩების განსჯა უწევს, როგორებიცაა ინგლისის თასის, ჩემპიონთა ლიგისა და ევრო 2016-ის ფინალური მატჩები.
ასე რომ, მის გადასაბირებლად საკმაოდ დიდი თანხის გადახდა მოუწევთ ჩინელებს.
“მესი “ბარსასთან” გაახანგრძლივებს”
“ბარსელონას” ყოფილ, ესპანელ ფორვარდს, დავიდ ვილიას სჯერა, რომ არგენტინელი ლეო მესი “კამპ ნოუს” დატოვებას არ აპირებს და რომ ის კლუბთან არსებულ კონტრაქტს უახლოეს მომავალში გაახანგრძლივებს.
“ვფიქრობ, ის კონტრაქტს ადრე თუ გვიან, მაინც გაახანგრძლივებს. “ბარსას” უყვარს მესი და მესის – “ბარსელონა”. სხვაგვარად არც შეიძლება.” – განაცხადა მან.
რაიან გიგზი “სუონსიში”?
როგორც FANEBI.COM-მა უკვე გაცნობათ, “სუონსის” ხელმძღვანელებმა ბობ ბრედლი მთავარი მწვრთნელის პოსტიდან გაათავისუფლეს, მისი ადგილი კი კვლავ ვაკანტურია.
ბრიტანულ წყაროში გავრცელებული ინფორმაციის თანახმად, “სუონსისთან” მოლაპარაკებებს “მანჩესტერის” უელსელი ლეგენდა, რაიან გიგზი აწარმოებს და საკმაოდ დიდია იმის შანსი, რომ გიგზი მშობლიურ კლუბს ჩაუდგეს სათავეში.
მოსალოდნელი ტრანსფერები (28.12.2016)
