იგუაინმა 18 წლის მოდელს შიშველი ფოტოების გაგზავნა სთხოვა, გოგონამ მიმოწერა გამოაქვეყნა
ტურინის “იუვენტუსის” თავდამსხმელი გონსალო იგუაინი არასასიამოვნო ისტორიის მთავარ გმირად მოგვევლინა.
18 წლის იტალიელმა მოფარიკავემ და ფოტომოდელმა ანტონელა ფიორდელისიმ არგენტინელ ფეხბურთელთან სოციალურ ქსელში შემდგარი დიალოგი გამოაქვეყნა. ეს ისტორია კი ასე დაიწყო. “ნაცნობებთან საუბრისას მკითხეს, რომელიმე ცნობილ სახესთან თუ მქონია თამამი მიმოწერა. მე მათ იგუაინი დავუსახელე, მაგრამ არ დამიჯერეს, რის შემდეგაც მიმოწერა გამოვაქვეყნე, რაც დიდი შეცდომა იყო. ამის ხილვა ყველას შეეძლო. შემდეგ ეს ყველაფერი წავშალე, მაგრამ უკვე გვიანი გახლდათ. ამ მიმოწერის გამოქვეყნება იგუაინის წყენინებას მიზნად არ ისახავდა”, – ჰყვება ლამაზმანი.
“ჩვენი დიალოგი სმაილებით დაიწყო, შემდეგ იგუაინმა ასაკი და წარმომავლობა მკითხა. იგი დაინტერესდა, ვიყავი თუ არა დაკვებული სპორტით. ყველაფერზე ვუპასუხე, შემდეგ კი ჩემი უკანალის ფოტოს გაგზავნა მთხოვა. აინტერესებდა, სოციალურ ქსელში გამოქვეყნებული ჩემი სურათები ფოტოშოპით იყო შელამაზებული თუ ფოტოებს ყოველგვარი კორექტირების გარეშე ვაქვეყნებდი. მე სურათი გავუგზავნე, რომელზეც ვეჯღანებოდი, თუმცა მან ხელმეორედ მთხოვა საჯდომის ფოტო, კვლავ ახლო ხედით გადაღებული სახის სურათი გავუგზავნე, მისგან კი ღიმილები მივიღე. იგი ავადმყოფია”, – თქვა ფიორდელისიმ.
მოგვიანებით გონსალო იგუაინმა ანტონელა ფიორდელისი დაბლოკა, გოგონამ კი შეურაცხყოფისთვის ბოდიში მოიხადა და განაცხადა, რომ არგენტინელთან პრეტენზიები არ აქვს:
“გონსალო, ბოდიშს გიხდი. ტურინში ჩამოვალ ან შენ ჩამოდი სალერნოში და ყავაზე დაგპატიჟებ. არ მინდოდა, რომ ჩემ გამო რაიმე პრობლემები შეგქმნოდა. ახალგაზრდული ჟარგონი გამოვიყენე, როდესაც ავადმყოფი გიწოდე. ბოდიშს გიხდი.
სოციალურ ქსელში ყველაფრის გამოქვეყნდება არ შეიძლება. ფოტოებიდან გამომდინარე, შესაძლოა, თავიდან ვინმეს ეგონოს, რომ მარტივი მოსაპოვებელი ვარ, მაგრამ ასე არ არის. მე კარგი გოგო ვარ. კოსმეტიკური ქირურგიისთვის არასდროს მიმიმართავს და ვამაყობ ჩემი ლამაზი ფორმებით”.
