ედენ აზარი: “უპირატესობა გვაქვს, თუმცა ყველაფერია მოსალოდნელი”
ლონდონის “ჩელსი” მიმდინარე სეზონში საოცრად გამოიყურება. ანტონიო კონტეს შეგირდებმა პრემიერ ლიგაში მიჯრით 13 მატჩი მოიგეს, თუმცა ბოლოს თანაქალაქელ “ტოტენჰემთან” დამარცხდნენ და მეორეადგილოსან “ლივერპულთან” ხუთქულიანი უპირატესობა აქვთ.
გუნდის ერთ-ერთმა ლიდერმა, ედენ აზარმა ჟურნალისტებთან ისაუბრა და გაანცხადა, რომ, მიუხედავად ცხრილში კომფორტული სიტუაციისა, “ჩელსის” მოდუნების უფლება არ აქვს.
“ყველამ კარგად იცის, თუ რაოდენ რთულია პრემირ ლიგაში ასპარეზობა. აქ ნებისმიერ დროს, არავინ იცის, რა მოხდება.”
“ამ მომენტში ცხრილში პირველი ადგილზე ვართ და საკმაო უპირატესობაც გვაქვს. თუმცა, ის გუნდები, რომლებიც ჩვენ მოგვდევენ, მოდუნებას არ აპირებენ. ისინი ძლიერები არიან და შეეცდებიან, რაც შეიძლება, მალე აღმოფხვრან ჩამორჩენა.”
“თუმცა , მოდუნებას არც “ჩელსი” აპირებს. ვგრძნობთ უპირატესობას და, მასთან ერთად, თავდაჯერებულობას. ვიცით, როგორ უნდა ვითამაშოთ მომდევნო შეხვედრებში,” – განაცხადა ბელგიელმა შემტევმა.
