ჟირუ: “იმეიდ მაქვს, ოზილი და სანჩესი გაახანგრძლივებენ”

ლონდონის “არსენალის” ფეხბურთელებს, მესუთ ოზილსა და ალექსის სანჩესს გუნდთან კონტრაქტი 2018 წლის ზაფხულზე ეწურებათ. ჯერჯერობით, უცნობია დადებენ თუ არა ისინი ახალ ხელშეკრულებას გუნდთან.

“მეთოფეთა” თავდამსხმელს, ოლივიე ჟირუს, რომელმაც კონტრაქტი უკვე გაახანგრძლივა, იმედი აქვს, რომ გუნდის ლიდერები მის გზას გაყვებიან.

“რა თქმა უნდა, როგორც მე, ასევე მთელს გუდნდს სურს, რომ მესუთი და ალექსისი ჩვენთან დარჩნენ. თუმცა, ეს მათი გადასაწყვეტია. ნამდვილად არ ვიცი, რას ფიქრობენ ისინი აღნიშნულ საკითხზე ამ მომენტში. იმედი მაქვს, მალე გადაწყვეტენ ახალ კონტრაქტებზე ხელის მოწერას.”

“რაც შემეხება მე… “არსენალში” ძალიან ბედნიერი ვარ. გუნდთან ერთად ბევრი თავგადასვაალი გადამხდა თავს და კიდევ უფრო უკეთესი მომავლის იმედი მაქვს,” – განაცხადა ფრანგმა შემტევმა.