გიორგი მაკარიძე პორტუგალიის თასის ფინალში ითამაშებს

საქართველოს ეროვნული ნაკრების მეკარე, გიორგი მაკარიძე პორტუგალიის თასის ფინალში ითამაშებს. მაკარიძის “მორეირენსემ” გუშინ, ნახევარფინალურ შეხვედრაში ლისაბონის “ბენფიკა” საკუთარ მოედანზე მიიღო და მეტოქე ანგარიშით 3:1 დაამარცხა.

26 წლის კარის დარაჯმა მატჩი შესანიშნავად ჩაატარა – მის ანგარიშზე ათი სეივია. რაც შეეხება უშუალოდ გოლებს, ანგარიში მე-6 წუთზე “ბენფიკამ” გახსნა, მეორე ნახევარში კი დრამემ წონასწორობა აღადგინა, რასაც 54-ე და 71-ე წუთებზე ბოატენგის ორი გოლი მოყვა.

მეორე ნახევარფინალურ წყვილში, “ბრაგამ” “სეტუბალი” ანგარიშით 3:0 დაამარცხა. შესაბამისად, თასის ფინალში ერთმანეთს “მორეირენსე” და “ბრაგა” დაუპირისპირდებიან.

იხილეთ მიმოხილვა