რაიოლა: “იბრაჰიმოვიჩს, “მანჩეტსერიდან” წასვლის შემდეგ, “ნაპოლიში” თამაშიც შეუძლია”
ზლატან იბრაჰიმოვიჩს “მანჩესტერ იუნაიტედთან” კონტრაქტი მიმდინარე სეზონში ეწურება. დიდი ალბათობით, შვედი ფეხბურთელი ახალ, ერთწლიან ხელშეკრულებას დადებს.
აგენტის, მინო რაიოლას თქმით, შვედი ფეხბურთელი მუდამ შედიოდა “ნაპოლის” პრეზიდენტის, აურელიო დე ლაურენტიის ინტერესებში. შესაბამისად, არაა გამორიცხული, რომ 2018 წლის ზაფხულზე უკვე 37 წლის ზლატანი კიდევ ერთ ევროპულ გუნდში გადავიდეს.
“ნეაპოლიტანელებს ზლატანი ყოველთვის უყვარდათ. ის დაახლოებით ისეთივე ტრადიციების მქონე ოჯახში აღიზარდა, როგორიც ამ ხალხს გააჩნია. მან იცის, რას ნიშნავს, უყვარდე ნეაპოლიტანელებს. ეს სიყვარული ყოველთვის იზიდავდა და მიიზიდავს “იბრას”.”
“დე ლაურენტიის ზლატანი მუდამ სურდა. არაფერია გამორიცხული. თუ შვედს ფიზიკური შესაძლებლობები ხელს შეუწყობს, შესაძლოა, იგი 2018 წელს სწორედ იტალიურ გუნდს შეურერთდეს,” – განაცხადა იბრაჰიმოვიჩის აგენტმა, მინო რაიოლამ.
