კეინი: “ტოტენჰემს” იმის გამო არ დავტოვებ, რომ სხვაგან ტიტულები მოვიგო”
ჰარი კეინმა მის მომავალზე ისაუბრა და განაცხადა, რომ “ტოტნჰემში” ძალიან ბედნიერია. მიუხედავად იმისა, რომ იგი “სპურსების” შემადგენლობაში ბევრ ტიტულს ვერ იგებს, ამ მიზეზით კლუბის დატოვებას არ აპირებს.
“თუ გინდა, რომ გქონდეს დიდი კლუბი, მაშინ დიდი ფეხბურთელები უნდა შეინარჩუნო. შესაბამისად, მე აქ ვრჩები და მინდა, გუნდს წარმატების მიღწევაში დავეხმარო.”
“მწვრთნის მსოფლიოში ერთ-ერთი ყველაზე კარგი სპეციალისტი და ვთამაშობ უნიჭიერესი ახალგაზრდა ფეხბურთელების გვერდით. შესაბამისად, რატომ უნდა დავტოვო აქაურობა?”
“ზოგ მოთამაშეს უნდა, რომ უფრო მეტი გამოიმუშაოს და ამის გამო კლუბს იცვლის. ჩემთვის მთავარია, ვიყო კომფორტულად, მხიარულად და განვვითარდე. ფული კი დანამატია იმ საქმეზე, რასაც მე ვაკეთებ. მხოლოდ და მხოლოდ ფული არასდროს გამხდის ბედნიერს.”
“წინა სეზონში ძალიან ახლოს ვიყავით პრემიერ ლიგის მოგებასთან. ამ წარუმატებლობამ კიდევ უფრო გაგავაძლიერა. ახლა კი დროა, რამე მოვიგოთ. ამისთვის, ძალას არ დავიშურებ,” – აცხადებს კეინი.
