კამერუნის ნაკრები აფრიკის ჩემპიონია (ვიდეო)

ეგვიპტისა და კამერუნის ნაკრებებს შორის 2017 წლის აფრიკის ერთა თასის ფინალური მატჩი ჩატარდა. გაბონის დედაქალაქ ლიბრევილში გამართული შეხვედრა კამერუნელთა გამარჯვებით, ანგარიშით 2:1 დასრულდა.

მატჩში ეგვიპტელები დაწინაურდნენ. 22-ე წუთზე მოჰამედ ელნერიმ ანგარიში გახსნა, თუმცა მატჩის მეორე ნახევარში ნიკოლა ნკულუმ წონასწორობა აღადგინა, ტაიმის მიწურულს კი ვენსან აბუბაქარმა კამერუნის ნაკრები სულაც დააწინაურა. დარჩენილ დროში კამერუნელებმა ეს უპირატესობა შეინარჩუნეს და 2002 წლის შემდეგ პირველად აფრიკის ჩემპიონები გახდნენ.

კამერუნის ნაკრებმა კონტინენტის საუკეთესო გუნდის წოდება მეხუთედ მოიპოვა (1984; 1988; 2000; 2002; 2017).

აფრიკის ერთა თასი
ფინალი
ეგვიპტე — კამერუნი 1:2 (1:0)
გოლები: მოჰამედ ელნერი 22′ — ნკულუ 59′, აბუბაქარი 88′.