“ატლეტიკოს” პრეზიდენტი: “მანჩესტერ იუნაიტედი”? პატარა გუნდია”
მადრიდის “ატლეტიკოს” პრეზიდენტმა ენრიკე სერესომ პრესაში გავრცელებული ინფორმაციის შესახებ ისაუბრა, რომლის თანახმადაც, “მანჩესტერ იუნაიტედს” ესპანური გუნდიდან ანტუან გრიზმანის გადაბირება სურს.
“მანჩესტერ იუნაიტედი”? პატარა გუნდია, – იხუმრა სერესომ. – დიეგო სიმეონესა და ანტუან გრიზმანის კონტრაქტების მჯერა. ყოველ ჯერზე, როდესაც გრიზმანს ვხვდები, მე მას ვეხუტები. ანტუანი ფანტასტიური ფეხბურთელია, მას “ატლეტიკოში” ყოფნა მოსწონს”.
“ვნახოთ, რომელ პოზიციაზე დავასრულებთ სეზონს. არა მგონია, რომ ჩემპიონთა ლიგის ზონის მიღმა დავრჩეთ. ის კი დიდი კითხვის ნიშნის ქვეშაა, მოხვდება თუ არა “მანჩესტერ იუნაიტედი” ჩემპიონთა ლიგის ზონაში”, – ციტირებს “ატლეტიკოს” პრეზიდენტის სიტყვებს “სქაი სპორტსი”.
შეგახსენებთ, რომ ანტუან გრიზმანსა და მადრიდულ კლუბს შორის გაფორმებულ მოქმედ შრომით ხელშეკრულებას ვადა 2021 წლის 30 ივნისამდე აქვს.
