პრემიერლიგის იანვრის თვის საუკეთესონი დასახელდნენ
თარიღი: თებერვალი 10, 2017
ინგლისის პრემიერლიგის იანვრის თვის საუკეთესო ფეხბურთელი და მწვრთნელი დასახელდა.
თვის საუკეთესო მოთამაშედ “ტოტენჰემ ჰოთსპურის” ნახევარმცველი დელე ალი დაასახელეს. შეგახსენებთ, რომ “დეზებმა” იანვარში ჩატარებული ხუთი მატჩიდან სამი გამარჯვებით, ორი კი ფრედ დაასრულეს. ალიმ ამ ხუთ შეხვედრაში ხუთი გოლი გაიტანა.
იანვრის თვის საუკეთესო მწვრთნელად “სუონსი სიტის” თავკაცი პოლ კლემენტი დასახელდა. შეგახსენებთ, რომ იგი გუნდში 3 იანვარს მივიდა. მისი ხელმძღვანელობით “სუონსიმ” ოთხიდან სამ მატჩში გამარჯვება მოიპოვა და გასავარდ ზონას თავი დააღწია. კლემენტის თავკაცობით “სუონსიმ” გასვლაზე “ლივერპული” დაამარცხა, შინ გაიმარჯვა უშუალო კონკურენტებთან – “კრისტალ პალასთან” და “სანდერლენდთან”, დამარცხდა “არსენალთან”.
მსგავსი სიახლეები