ზინედინ ზიდანი: “ბარსელონა” კრიზისში არ არის”
კატალონიის”ბარსელონა” ბოლო ხანებში სათანადოდ ვერ გამოიყურება. სხვა რომ არაფერი, “ბლაგურნამ” ჩემპიონთა ლიგის მერვედფინალურ შეხვერდაში “პსჟ”-სთან საკუთარ კარში ოთხი უპასუხო გოლი მიიღო. ლუის ენრიკეს შეგირდები არც “ლა ლიგაში” არიან დამაჯერებლები.
ამის შესახებ ჰკითხეს “რეალის” მთავარ მწვრთნელს, ზინედინ ზიდანს.
“ბარსელონა” კრიზისშია? მე ასე არ ვფიქრობ. ყველა გუნდს აქვს მცირე ჩავარდნა, თუმცა ეს ხშირად მალე და მარტივად აღმოფხვრადია. დარწმუნებული ვარ, ეს გუნდი მიმდინარე სეზონში ყველასთვის დიდი თავის ტკივილი იქნება.”
ზიდანმა საკუთარი შეგირდების მდგომარეობაც შეაფასა.
“გასაგებია, რომ ისკო მის მომავალზე ფიქრობს და წასვლის ვარიანტსაც განიხილავს. თუმცა, ესპანელმა კარგად იცის, რომ მას ვაფასებ, მომწონს და მჭირდება კიდეც.”
“პეპე მნიშვნელოვანი მოთამაშეა. მისი დიდი პლუსი ისაა, რომ ნებისმიერ დროს ბოლომდე იხარჯება. მე მას სეზონის ბოლომდე ნდობას ვუცხადებ. ამის შემდეგ, არ ვიცი რა მოხდება მის კონტრაქტთან დაკავშირებით.”
“ბედნიერი ვარ ხამეს როდრიგესის ყოლით. მსიამოვნებს არა მარტო ის, რასაც მოედანზე აკეთებს, არამედ რასაც იგი ამბობს: რომ მადრიდში დარჩენა უნდა,” – განაცხადა ფრანგმა სპეციალისტმა.
