კუტალია: “შუქურას” შემადგენლობა რომ შეენარჩუნებინა, წელს სამეულისთვისაც კი იბრძოლებდა”
დღეს ეროვნული ლიგის მეორე ტურის შეხვედრაში ქობულეთის “შუქურამ” ქუთაისის “ტორპედო” მიიღო და ფრე, 1-1 ითამაშა. ანგარიშის გახსნა მე-6 წუთზე კობა შალამბერიძემ მოახერხა. საგოლე გადაცემის ავტორი კი ლევან კუტალია გახდა.
შეხვედრის შემდეგ Fanebi.Com-ი აჭარლების “შვიდიანს” დაუკავშირდა და მას კომენტარის გაკეთება სთხოვა.
“დღევანდელი მატჩი საქართველოს თასის მოქმედ ჩემპიონთან ჩავატარეთ და, შესაბამისად, საკმაოდ რთული დაპირისპირებაც გამოვიდა. მოედანზე მოსაგებად გავედით, ბევრი ვიბრძოლეთ და რამდენიმე კარგი მომენტიც შევქმენით, რომლებიდანაც ერთი გოლადაც გარდავქმენით. ზოგ სიტუაციაში არ გაგვიმართლა. საბოლოოდ, ისეთ კარგ გუნდთან, როგორიც “ტორპედოა”, ფრე ურიგო შედეგი ნამდვილად არ ყოფილა.”
ლევანს გუნდის მიზნებზეც ვკითხეთ…
“გეტვყით, რომ გასული სეზონში შესანიშნავი გუნდი გვყავდა. ის შემადგენლობა რომ შეგვენარჩუნებინა, ახლა სამეულისთვისაც კი ვიბრძოლებდით. თუმცა, ახლაც მშვენიერი კოლექტივი ვართ და შვიდეულში შესვლას ვაპირებთ. ამის ძალა შეგვწევს! “შუქურა” მებრძოლ გუნდად ჩამოყალიბდა. ეს ამ ჩემპიონატის პირველ ორ ტურში საქართველოს ჩემპიონთან და თასის გამარჯვებულთან უკვე ორჯერ დავამტკიცეთ!” – განაცხადა კუტალიამ.
