კასილასის პირადი რეკორდი

პორტუგალიის ჩემპიონატის 25-ე ტურში “პორტუმ” გასვლაზე” “აროკა” ანგარიშით 4:0 დაამარცხა. სტუმართა კარს მთელი შეხვედრის განმავლობაში იკერ კასილასი იცავდა, რომელმაც პირადი რეკორდი გააუმჯობესა.

ესპანელმა მეკარემ მიმდინარე სეზონის 16 მატჩში შეინახა კარი მშრალად, რაც მის კარიერაში საუკეთესო შედეგია. კასილასმა მადრიდის “რეალის” რიგებში 2004-2005, 2006-2007 და 2009-2010 წლების სეზონში გაშვებული გოლის გარეშე 15 შეხვედრა ჩაატარა.

აღსანიშნავია ისიც, რომ იკერ კასილასმა პორტუგალიის ჩემპიონატში გოლი უკანასკნელად 4 თებერვალს “სპორტინგისგან” მიიღო. მას შემდეგ ესპანელმა კიპერმა ხუთი შეხვედრა ჩაატარა და ხუთივე შემთხვევაში საკუთარი გუნდი გაშვებული გოლისგან დაიცვა.