“იუვენტუსი” სპალეტის მოელაპარაკა

ტურინის “იუვენტუსის” ხელმძღვანელობა მასიმილიანო ალეგრის შესაძლო შემცვლელად ლუჩანო სპალეტის კანდიდატურას განიხილავს. მიმდინარე სეზონის ბოლოს ალეგრიმ შესაძლოა, “ბებერმა სინიორას” მთავარი მწვრთნელის პოსტი დატოვოს და ლონდონის “არსენალს” ან “პარი სენ-ჟერმენს” მიაშუროს.

იტალიური გამოცემა “კორიერე დელა სერას” ცნობით, “იუვენტუსსა” და სპალეტის შორის სიტყვიერი შეთანხმება უკვე მიღწეულია. ამ უკანასკნელს “რომასთან” მოქმედი კონტრაქტი მიმდინარე სეზონის ბოლოს ეწურება, ამიტომ ტურინელებს, სპალეტის მოწვევის შემთხვევაში, რომაელებისთვის კომპენსაციის გადახდა არ მოუწევთ.

იტალიის სერია A-ს მიმდინარე გათამაშებაში ლუჩანო სპალეტის მიერ დამოძღვრილ “რომას” სატურნირო ცხრილში მეორე პოზიცია უკავია და ლიდერ “იუვენტუსს” 11 ქულით ჩამორჩება. გარდა ამისა, “რომამ” ევროპის ლიგის მერვედფინალურ ეტაპზე გააღწია და “ლიონთან” გასვლაზე გამართულ პირველ მატჩში 2:4 დამარცხდა