სიმეონე: “სევილია” ჩემპიონობისთვის იბრძვის, ჩვენ მეოთხე ადგილი უნდა შევინარჩუნოთ”

მადრიდის “ატლეტიკოს” მთავარმა მწვრთნელმა, ლა ლიგის 27-ე ტურში, “გრანადას” წინააღმდეგ მოპოვებული გამარჯვების (0:1) შემდეგ, პრესასთან ისაუბრა.

“ძალიან, ძალიან რთული მატჩი გამოდგა. ყოველთვის ვიცით, რომ წინ სირთულეები გველის, მაგრამ ეს განსაკუთრებული იყო. “გრანადა” საშინაო არენაზე ძალიან აგრესიულად და ჭკვიანურად თამაშობს.

მატჩის მეორე ნახევარში გუნდებმა გაცვალეს სახიფათო მომენტები, ორივე გუნდს შეეძლო გამარჯვების მოპოვება. საბოლოო ჯამში, სამი ქულა ჩვენ დაგვრჩა, რითიც ბედნიერები ვართ.

რაც შეეხება “სევილიას”, ჩვენ მათ არ ვუყურებთ. ისინი ჩემპიონობისთვის იბრძვიან, ჩვენ კი მეოთხე ადგილი უნდა შევინარჩუნოთ – “რეალ სოსიედადი” და “ვილიარეალი” საკმაოდ კარგ ფორმაში იმყოფებიან, ” – აცხადებს ჩოლო სიმეონე.