“ბარსელონამ” “სევილია” გაანადგურა (ვიდეო)

ესპანეთის ლა ლიგის 30-ე ტურის ცენტრალურ მატჩს “კამპ ნოუმ” უმასპინძლა, სადაც ადგილობრივი “ბარსელონა” ხორხე სამპაოლის “სევილიას” დაუპირისპირდა.

შეიძლება ითქვას, რომ მატჩმა მოლოდინი ვერ გაამართლა – გამარჯვებულის ვინაობა პირველივე ტაიმში გახდა ცნობილი. კატალონიელებმა მეტოქეს სამი უპასუხო გოლი გაიტანეს, მეორე ტაიმმა კი ფორმალური ხასიათი მიიღო.

შედეგად, “ლურჯ-ბროწეულისფრებმა” მორიგი სამი ქულა ჩაიწერეს აქტივში და ამჟამად პირველ ადგილზე იმყოფებიან. “სევილია” კი მეოთხე პოზიციაზე იმყოფება და კიდევ უფრო დაშორდა “ატლეტიკოს”.

“ბარსელონა”: ტერ შტეგენი; უმტიტი, პიკე (დინიე 77′), მაშერანო; ინიესტა, მესი, ბუსკეტსი, რაკიტიჩი (80 ალენა); ნეიმარი, სუარესი, რობერტო

მთავარი მწვრთნელი: ლუის ენრიკე

“სევილია”: რიკო; მარიანო, მერკადო (კრანევიტერი 46′), პარეხა, ლენგლეტი, ესკუდერო; ნასრი (სარაბია 46′), იბორა, ნზონზი, ვიტოლო; კორეა

მთავარი მწვრთნელი: ხორხე სამპაოლი