ზლატანი: “დავიბადე მოხუცად და მოვკვდები ახალგაზრდად”

ინგლისის პრემიერლიგის 32-ე ტურში “მანჩესტერ იუნაიტედმა” “სანდერლენდი” ანგარიშით 3:0 დაამარცხა. პირველი გოლი ზლატან იბრაჰიმოვიჩმა გაიტანა, რომელმაც მოგვიანებით საგოლე გადაცემაც გააკეთა. შვედმა ფორვარდმა მატჩის შემდეგ შეხვედრა შეაფასა.

“ძალიან მნიშვნელოვანი გამარჯვება მოვიპოვეთ. მომდევნო მატჩებზე უნდა გავაკეთოთ ფოკუსირება, რათა საუკეთესო ოთხეულში შესვლა მოვახერხოთ. ჩვენი ძალების გვჯერა და ამ მიზნის მისაღწევად ყველაფერს გავაკეთებთ.

ბევრს ვვარჯიშობ. ჩემი თავის იმედი მაქვს და ვიცი, რაც უნდა გავაკეთო.

ასაკთან ერთად ჭკუაც მომემატა. დრო უაზროდ არ უნდა დავკარგო და ამით ენერგიას შევინარჩუნებ. ბენჯამინ ბატონივით (ფილმის პერსონაჟი) ვარ. დავიბადე მოხუცად და მოვკვდები ახალგაზრდად”, – იბრაჰიმოვიჩის სიტყვებს Goal.com-ი აქვეყნებს.