“რეალმა” “დეპორტივოს” გადაუარა (ვიდეო)

დღეს ესპანეთის პრიმერა დივიზიონი 34-ე ტურის შეხვედრაში მადრიდის “რეალი” ლა კორუნიას ესტუმრა და ადგილობრივ “დეპორტივოს” დაუპირისპირდა.

მატჩი მადრიდელთა უპირატესობით წარიმართა. ანგარიში პირველ წუთზე ალვარო მოარატამ მოახერხა. მე-14 წუთზე ხამეს როდრიგესმა ორამდე გაზარდა სხვაობა. ფლორინ ანდონემ 35-ეზე მინიმუმამდე შეამცირა სხვაობა. ცხრა წუთში კი ლუკას ვასკესმა ძველი სხვაობა აღადგინა.

მეორე ნახევარში “რეალი” არ გაჩერდა. ხამესმა 67-ეზე დუბლი შეასრულა. ხოლო, ათ წუთში ისკოს ჯერი დაგდა: მან ვასკესის გადაცემის შემდეგ მისი გუნდის მეხუთე გოლი გაიტანა. ამით ყველაფერი არ დასრულებულა. 84-ე წუთზე ხოსელუმ 5-2 გახადა ანგარიში, თუმცა შეცვლაზე გამოსულმა კაზემირომ შორეული დარტყმით აიღო მეტოქის კარი – 2-6.

ამ გამარჯვებით “ბლანკოსს” 78 ქულა აქვს და მეორეზეა. ლა კორუნიელებს 31 ქულა აქვთ და მე-16 პოზიციას იკავებენ.