“ვესტ ჰემმა” “ტოტენჰემს” ჩემპიონობის შანსები მოუსპო(ვიდეო)

პრემიერ ლიგის 36-ე ტურის მატჩში სლავენ ბილიჩის “ვესტ ჰემმა” საშინაო არენაზე ჩემპიონობისთვის მებრძოლი “ტოტენჰემი” მიიღო და მინიმალური ანგარიშით, 1:0 დაამარცხა.

მატჩში ერთადერთი გოლი ლანცინიმ, თამაშის 67-ე წუთზე გაიტანა და მატჩის ბედიც გადაწყვიტა.

შედეგად, “ტოტენჰემის” ჩემპიონების შანსი მინიმუმამდე დავიდა, “ვესტ ჰემი” კი უმნიშვნელო სამი ქულის წყალობით ახლა მეცხრე პოზიციას იკავებს.

“ვესტ ჰემი”: ადრიანი; კოლინსი, რაიდი, ფონტე; კრესველი, კუიატე, ნოუბლი, ბირამი; ლანცინი, აიუ; კალერი

მთავარი მწვრთნელი: სლავენ ბილიჩი

“ტოტენჰემი”: უგო ლორისი; უოკერი, ალდერვაირელდი, ვერტონგენი (დემბელე 67′), დეივისი; დაიერი, ვანიამა (იანსენი 76′); ერიქსენი, დელე ალი, სონი; ჰარი კეინი

მთავარი მწვრთნელი: მაურისიო პოჩეტინო