“არსენალი” ლემინას სანაცვლოდ 20 მილიონ ფუნტს ამზადებს

ლონდონის “არსენალის” ხელმძღვანელები ტურინელი “ბებერი ქალბატონისათვის” 20-მილიონიან შეთავაზებას ამზადებენ მარიო ლემინას ტრანსფერის თაობაზე. ამ ინფორმაციას უცხოური, საკმაოდ გავლენიანი გამოცემა, Standard აქვეყნებს.

როგორც იცით, კარგა ხანია, რაც ინგლისელი “მეთოფეები” ცენტრალური ნახევარმცველის ძიებაში იმყოფებიან. საბოლოო ჯამში კი, არსენ ვენგერი 23 წლის ლემინასთან მივიდა, რომელსაც საკმაოდ ბევრი სპეციალისტი ადარებს პოლ პოგბას.

ამასთანავე, აღსანიშნავია ისიც, რომ ლემინას ტურინში არც ისე დიდ ნდობას უცხადებენ, რამაც შესაძლოა, მას კლუბის დატოვება აიძულოს.

ლემინა იტალიის ჩემპიონთა რიგებს 2015 წელს, “მარსელიდან” შეუერთდა, თუმცა მას შემდეგ, სერია ა-ს მხოლოდ 15 მატჩი დაიწყო სასტარტო შემადგენლობიდან.