ოფიციალურად: ტომას ტუჰელმა დორტმუნდის “ბორუსია” დატოვა

დორტმუნდის “ბორუსიას” მთავარმა მწვრთნელმა, ტომას ტუჰელმა დაკავებული თანამდებობა დატოვა.

43 წლის სპეციალისტს გერმანულ კლუბთან კონტრაქტი 2018 წლამდე აკავშირებდა, მაგრამ ტუჰელმა ჩათვალა, რომ საკუთარი შესაძლებლობები “სიგნალ იდუნა პარკზე” ამოწურა და ახალი გამოწვევები ესაჭიროება.

“მადლობელი და ძალიან ბედნიერი ვარ, ამ კლუბთან ორი ძალიან ლამაზი და მნიშვნელოვანი სეზონის ჩატარება რომ შევძელი. სამწუხაროა, მაგრამ კლუბი უნდა დავტოვო.

მინდა ბოლოსკენ მადლობა გადავუხადო კლუბის თითოეულ ფანს, სამწვრთნელო შტაბსა და ყველას, ვინც მხარს გვიჭერდა. “ბორუსიას” ყველაფერ საუკეთესოს ვუსურვებ,” – აცხადებს ტომას ტუჰელი.

სავარაუდოდ, ტუჰელს “ნიცას” მთავარი მწვრთნელი ლუსიენ ფავრი ჩაანაცვლებს.