კასილასი: “ბუფონი ჩემპიონთა ლიგისა და “ოქროს ბურთის” მოგებას იმსახურებს”

“პორტუს” მეკარე იკერ კასილასი მიიჩნევს, რომ ტურინის “იუვენტუსის” კიპერ ჯანლუიჯი ბუფონს წელს “ოქროს ბურთის” მოგების კარგი შანსი აქვს.

“ამ ჯილდოზე წარდგენილი არასდროს ვყოფილვარ. “ოქროს ბურთი” მხოლოდ ერთ მეკარეს აქვს მოგებული. ლევ იაშინს ეს ჯილდო 1963 წელს გადასცეს. მას შემდეგ ადამიანმა მთვარეზე ფეხი პირველად დადგა. მას შემდეგ ძალიან დიდი დრო გავიდა.

ჩემპიონთა ლიგის ფინალში “იუვენტუსი” “რეალის” წინააღმდეგ რომ არ თამაშობდეს, ვისურვებდი, რომ თასი ბუფონს მოეგო. მე “რეალს” ვუქომაგებ, მაგრამ ჯიჯიმ ყველაფრის მოგება დაიმსახურა. მას ფენომენალური სეზონი ჰქონდა და “ოქროს ბურთსაც” იმსახურებს”, – კასილასის კომენტარი “ლა გაძეტა დელო სპორტში” გამოქვეყნდა.