რა თქვა იურგენ კლოპმა პერიშიჩზე 2012 წელს?
ინგლისური “ლივერპულის” მთავარ მწვრთნელს, იურგენ კლოპსა და ივან პერიშიჩს, რომელსაც საკმაოდ აქტიურად აკავშირებენ “ენფილდზე” გადასვლასთან, 2012 წელს არც ისე კარგი ურთიერთობა ჰქონდა.
“პერიშიჩის წუწუნი”
ყველაფერი მაშინ დაიწყო, როდესაც პერიშიჩმა ხორვატიის ერთ-ერთ ტელევიზიასთან “იწუწუნა”: “კლუბში არსებული ამჟამინდელი სიტუაციით კმაყოფილი რა თქმა უნდა ვერ ვიქნები. გასულ წელთან შედარებით, მოედანზე არც ისე ხშირად მიწევს ყოფნა.
ჩვენი ურთიერთობა? მასთან არც ვსაუბრობდი. ის საუკეთესოა გერმანიაში, ნომერი პირველი, ამას ყველა აღიარებს. ის, რასაც ბოლო წლებში მივაღწიეთ მართლაც რომ უნიკალურია.
გუნდში ბრწყინვალე ატმოსფეროა, მაგრამ ფაქტია, რომ მას 3-4 ფავორიტი ფეხბურთელი ჰყავს, რომელთანაც ყველაფერს განიხილავს,” – განაცხადა პერიშიჩმა Nora-TV-სთან საუბრისას.
კლოპის პასუხი
კლოპმა კი ხორვატ ფეხბურთელს მალევე გასცა პასუხი.
“პროფესიონალი ფეხბურთელი ყოველთვის უკმაყოფილოა, როდესაც ბევრს ვერ თამაშობს. თუ ის პირს მოკეტავს, ეს მისთვისვე იქნება უკეთესი.
წუწუნი, თანაც საჯაროდ, ნამდვილად ბავშვური საქციელია,” – აცხადებდა იურგენ კლოპი.
შედეგად, პერიშიჩი მალევე გაყიდეს “ვოლფსბურგში”, თუმცა მანამდე, მას 15 000 ევროს გადახდა მოუწია ჯარიმის სახით. “ვოლფსბურგში” კი ის ნამდვილ ვარსკვლავად იქცა, ახლა კი ის “ინტერის” ღირსებას იცავს.
