ალეგრი: “ჩვენი ერთ-ერთი სატრანსფერო მიზანი დუგლას კოსტაა”

ტურინის “იუვენტუსის” მთავარმა მწვრთნელმა მასიმილიანო ალეგრიმ დაადასტურა პრესაში გავრცელებული ინფორმაცია, რომლის თანახმადაც, “ბებერ სინიორას” მიუნხენის “ბაიერნის” ნახევარმცველ დუგლას კოსტას დამატება სურს.

“ვფიქრობ, რომ ამ წელს მთავარი გამოწვევა თამაშის ხარისხის გაუმჯობესება და შესაბამისად, მატჩის მიმდინარეობაზე მეტი კონტროლი იქნება. დუგლას კოსტა ჩვენი ერთ-ერთი სატრანსფერო მიზანია. ის ძალიან ნიჭიერი ფეხბურთელია”, – ციტირებს ალეგრის სიტყვებს Football Italia.

დუგლას კოსტას აგენტი “იუვენტუსის” წარმომადგენლებს უკვე შეხვდა. ბავარიული კლუბი იმედოვნებს, რომ ბრაზილიელი ფეხბურთელის სანაცვლოდ 50 მილიონ ევროს მიიღებს.