კარვახალი: “რა სურს “რეალს” ახალ სეზონში? ყველა ტიტულის მოგება!”
მადრიდის “რეალი” წინასასეზონო სამზადისს გადის. გუნდს ნელ-ნელა უერთდებიან ფეხბურთელები.
დღეს Marca-სთან კომენტარი დანი კარვახალმა გააკეთა. ესპანელმა კლუბში არსებულ მდგომარეობასა და სამომავლო გეგმებზე ისაუბრა.
“გვინდა იმდენი ტიტიული მოვიგოთ, რამდენ ტურნირზეც ვმონაწილეობთ. დიახ! ჩვენ ყველაფრის მოგება გვსურს. აქ ჩემი მე-15 სეზონი იწყება და ყოველ წელს, უფრო და უფრო, ამაყად ვგრძნობ თავს.”
“ახლა ძალიან დიდი დატვირთვით გვავარჯიშებენ. ვგრძნობთ, რომ ხელმძღვანელობა ჩვენგან კიდევ უფრო მეტს ითხოვს. ვფიქრობ, ასეთი მიდგომა სწორი და საჭიროა. თუ გვინდა, რომ გადამწყვეტი მატჩებისთვის მარტსა და აპრლში ასი პროცენტით მზად ვიყოთ, სწორედ ახლა უნდა გავისარჯოთ ასმაგად და საუკეთესო კონდიციებში შევიდეთ.”
“გაიხსენეთ წინა სეზონის სუპერ თასი “სევილიასთან”. მაშინ ბოლო წუთზე შევძელით გათანაბრება. ეს ბოლომდე ბრძოლის დამსახურება იყო. უკანასკნელ წამამდე დატვირთვას კი ვერ გაუძლებ, თუ ფიზიკურად კარგად მომზადებული არ ხარ. სწორედ ესაა ერთ-ერთი გადამწყვეტი ფაქტორი,” – განაცხადა კარვახალმა.
