“ჩელსის” კოშტა ძალიან დააკლდება”

“ჩელსის” კაპიტნის, გარი კეჰილის თქმით, ლონდონურ კლუბს ძალიან დააკლდება დიეგო კოშტა, რომელიც ჯერაც “არისტოკრატთა” რიგებში ირიცხება, მაგრამ თითქმის გადაწყვეტილია, რომ ის კლუბს უახლოეს მომავალში დატოვებს.

“როგორც ფეხბურთელი, ის ძალიან დაგვაკლდება. რაც არ უნდა იყოს, დიეგო კოშტა მაინც დიეგო კოშტაა, ძალიან ბევრი გოლი გააქვს და ძლიერი ხასიათიც აქვს.

ის ძალიან დაგვაკლდება. მართალია, ალვარო მორატა დიდებული დანამატია, მაგრამ ისეთი დიდი ფეხბურთელის წასვლა, როგორიც დიეგო კოშტაა, მაინც ყოველთვის ტოვებს სიცარიელეს,” – აცხადებს კეჰილი.

გეტყვით იმასაც, რომ კოშტა ყველაზე ახლოს “ატლეტიკოში” დაბრუნებასთანაა, თუმცა “როხიბლანკოს” მაისურით მოედანზე გასვლას იანვრის თვემდე ვერ შეძლებს და შესაძლოა, სხვა იმ დრომდე სხვა კლუბში იქნას განათხოვრებული.