დიეგო კოშტა: “ატლეტიკოში” გადასვლაში ეს მიშლის ხელს”
დიეგო კოშტას ლონდონის “ჩელსის” მთავარმა მწვრთნელმა, ანტონიო კონტემ მისწერა, რომ ესპანელი მის გეგმებში აღარ შედიოდა და ახალი კლუბის ძებნა უნდა დაეწყო. ამის შემდეგ, კოშტამ საჯაროდ გამოთქვა მადრიდის “ატლეტიკოში” დაბრუნების სურვილი.
ბრაზილიური ფესვების მქონე მოთამაშე “როხიბლანკოში” მის შესაძლო ტრანსფერზე საუბრობს.
“უკვე ბევრჯერ ვთქვი, რომ “ატლეტიკოში” თამაში მინდა. თუმცა, თუ “როხიბლანკო” დიდ თანხას არ გადაიხდის, “ჩელსი” არ გამიშვებს და ამ სურვილსაც ვერ დავიკმაყოფილებ. საბოლოოდ, ესპანელებს საკმაო სარგებელის მიცემა მოუწევთ ლონდონური კლუბის ხელმძღვანელობისთვის, თუმცა არც ის მგონია, რომ “ატლეტიკომ” ბოლომდე გადაიხადოს “ჩელსისთვის” სასურველი თანხა.”
“ჩემი აგენტისგან გავიგე, რომ “ლურჯებს” იმაზე მეტის აღება უნდათ, რაც ჩემში სამი წლის წინ გადაიხადეს (32 მილიონი ფუნტი, ავტ.). თითქოს, “ჩელსის” მაქსიმალურად სურს ეს ტრანსფერი შეაფერხოს. იმედია, ყველაფერი ჩემს სასიკეთოდ გადაყწდება,” – აცხადებს კოშტა.
