სამირ ნასრის ახალი კლუბი ცნობილია

“მანჩესტერ სიტის” ნახევარმცველი სამირ ნასრი კარიერას, სავარაუდოდ, თურქეთში გააგრძელებს. კერძოდ, 30 წლის ფრანგი ფეხბურთელი “ანთალიასპორს” შეუერთდება.

ნასრიმ სოციალურ ქსელში უკვე გამოქვეყნა ფოტო, რომელზეც ის თვითმფრინავის კაბინაში შესვლისას არის ასახული.

თურქული პრესის თანახმად, სამირ ნასრი “ანთალიასპორთან” ორწლიან კონტრაქტს მოაწერს ხელს, სეზონში კი ანაზღაურების სახით ოთხ მილიონ ევროს მიიღებს.

შეგახსენებთ, რომ სამირ ნასრიმ გასული სეზონი განათხოვრების წესით “სევილიაში” გაატარა. ფრანგმა ნახევარმცველმა შარშან ესპანეთის პრიმერადივიზიონში 23 მატჩი ჩაატარა, ორი გოლი გაიტანა და სამი შედეგიანი გადაცემა მიითვალა.