დღის მთავარი სატრანსფერო ამბები – 1 სექტემბერი
“ჩელსი” კოშტას “ატლეტიკოში” არ უშვებს
მადრიდის “ატლეტიკოს” ხელმძღვანელები კვლავ ვერ ახერხებენ ლონდონის “ჩელსიდან” დიეგო კოშტას წამოყვანას, რომელიც “არისტოკრატთა” თავკაცის, ანტონიო კონტეს მიერ იქნა დაწუნებული.
The Sun-ის ცნობით, ესპანური კლუბი ყველანაირად ცდილობდა ესპანელი ფეხბურთელის დაბრუნებას, მაგრამ ლონდონელებმა ტრანსფერი მაინც დაბლოკეს.
იოზილი “ბარსელონაში”
“ბარსელონამ” სატრანსფერო ფანჯრის ბოლო დღეს მთელი ყურადღება ლონდონის “არსენალის” გერმანელ ნახევარმცველზე, მესუთ იოზილზე გადაიტანეს.
როგორც იცით, “ბარსელონელები” საკმაოდ დიდი ხნის განმავლობაში ეძებდნენ ნეიმარის შემცვლელს, თუმცა კოუტინიოს ტრანსფერი არაერთხელ დაიბლოკა და მათი ერთადერთი შანსი ახლა იოზილის გადაბირებაა.
“იუნაიტედი” დოლბერგისთვის ბრძოლაში “ბორუსიასთან” დამარცხდა
“აიაქსის” ახალგაზრდა ვარსკვლავისთვის, კასპერ დოლბერგისთვის ბრძოლაში “მანჩესტერ იუნაიტედი” დორტმუნდის “ბორუსიასთან” დამარცხდა. ამ ინფორმაციას TMW ადასტურებს.
როგორც ცნობილი ხდება, 19 წლის დანიელი ფეხბურთელი გერმანულ გრანდში კარიერას იანვრის თვიდან გააგრძელებს.
ლემარისა და სანჩესის ტრანსფერები ჩაიშალა
ლონდონის “არსენალის” ხელმძღვანელებმა სატრანსფერო ფანჯრის ბოლო დღეს “მონაკოს” ფრანგი შემტევის, ტომას ლემარის ტრანსფერის განხორციელება ვერ შეძლეს.
შესაბამისად, “მეთოფეებმა” ალექსის სანჩესის ტრანსფერიც დაბლოკეს, რაზეც საკმაოდ დიდი ხნის მანძილზე მიდიოდა მოლაპარაკებები “მანჩესტერ სიტისა” და “არსენალს” შორის.
ბონიმ “მანჩესტერ სიტი” სატრასნფერო ფანჯრის ბოლო დღეს დატოვა
უილფრედ ბონიმ “მანჩესტერ სიტის” რიგები 2017 წლის ზაფხულის სატრანსფერო ფანჯრის ბოლო დღეს დატოვა და თავის ყოფილ კლუბთან, “სუონსი სიტისთან” ორწლიან კონტრაქტს მოაწერა ხელი.
როგორც უკვე გაცნობეთ, უელსური კლუბი ფერნანდო ლორენტემ დატოვა, რომელიც ამიერიდან ლონდონის “ტოტენჰემისთვის” გაიტანს, ესპანელ შემტევს კი სწორედ ბონი შეცვლის.
როგორც ცნობილი ხდება, 28 წლის კოტ-დიუვარელი ფეხბურთელის ტრანსფერში, რომელიც “მანჩესტერ სიტიში” 2015 წელს გადაბარგდა, “სუონსიმ” 12 მილიონი ევრო გადაიხადა.
