ჯერარდი ინგლისური ფეხბურთის დიდების დარბაზში შეიყვანეს
თარიღი: სექტემბერი 22, 2017
“ლივერპულისა” და ინგლისის ეროვნული ნაკრების ყოფილი კაპიტანი სტივენ ჯერარდი ინგლისური ფეხბურთის დიდების დარბაზში შეიყვანეს.
“ეს ერთგვარი ბონუსია ჩემთვის, როგორც სხვა პირადი მიღწევები. ეს არის კარიერის განმავლობაში გაწეული შრომის, დახარჯული დროისა და საქმის ერთგულებისთვის გადმოცემული ჯილდო.
ყველაზე მეტად ის მიხარია, რომ ჩემი გმირების გვერდით აღმოვჩნდი და მათ შორის “ლივერპულის” ყოფილი ფეხბურთელებიც არიან – მაგალითად, კენი დალგლიში და იან რაში. თუ არ ვცდები, ამ სიაში მაიკლ ოუენიც არის.
თანაგუნდელებისა და სამწვრთნელო შტაბის გარეშე ამ დიდებას ვერ მივაღწევდი”, – ჯერარდის კომენტარი “ლივერპულის” ოფიციალურ ვებგვერდზე გამოქვეყნდა.
ჯერარდის გარდა ინგლისური ფეხბურთის დიდების დარბაზში გარი სპიდი, ბილი ბონდსი და ბობი უილსონი შეიყვანეს.
მსგავსი სიახლეები