კონტემ “ატლეტიკოსთან” მოგებული მატჩის შემდეგ პრესასთან ისაუბრა

ლონდონის “ჩელსის” მთავარმა მწვრთნელმა, ჩემპიონთა ლიგაზე, მადრიდის “ატლეტიკოსთან” მოპოვებული უმნიშვნელოვანესი გამარჯვების შემდეგ პრესასთან ისაუბრა.

“ძალიან კარგი თამაში ვაჩვენეთ, ჩემი ფეხბურთელებით კმაყოფილი ვარ. ძალიან რთულია, როდესაც ასეთ გუნდთან პირველ გოლს უშვებ, მაგრამ მობილიზება მოვახერხეთ და მეორე ნახევარში გაცილებით უკეთ ავთამაშდით.

ეს მოგება დავიმსახურეთ. ამ მატჩისთვის კარგად ვიყავით მომზადებულები და ფეხბურთელებშიც ძალიან დიდ სურვილსა და მოტივაციას ვხედავდი.

უნდა გვიხაროდეს, რომ ედენ აზარი მოედანზე დაბრუნდა. ეს უკანასკნელი მორატას ძალიან ადვილად შეეწყო. ისიც სასიამოვნოა, რომ ბატშუაიმ და უილიანმაც მაღალ დონეზე შეძლეს თამაში. ჩვენ დავამტკიცეთ, რომ ასეთ თამაშებში მონაწილეობის ღირსნი ვართ,” – აცხადებს კონტე.