არსენ ვენგერი პრემიერ ლიგაში “ბარსელონას” გაწევრიანების წინააღმდეგია
ლონდონის “არსენალის” მთავარმა მწვრთნელმა, არსენ ვენგერმა პრესასთან პრემიერ ლიგაში “ბარსელონას” გადასვლის შანსებსა და სიტუაციის განვითარების სავარაუდო სცენარზე ისაუბრა.
“მონაკო” საფრანგეთის ლიგა 1-ში თამაშობს, უელსური კლუბები კი ინგლისში ასპარეზობენ. არამგონია, უეფას ამასთან დაკავშირებით რაიმე პრეტენზია ჰქონდეს.
“ბარსელონას” მოწვევა პრემიერ ლიგაში? ამის მომხრე ნამდვილად არ ვარ, არ ღირს გეოგრაფიული ერთიანობის დარღვევა. რატომ არ ვიწვევთ “სელტიკს” ან “რეინჯერსს”? ვფიქრობ, ეს უფრო ლოგიკური ნაბიჯი იქნებოდა.
ამასთანავე, არსებობს პოლიტიკური ჩარჩოც. თუ კატალონიასა და ესპანეთს შორის სიტუაცია ამ დონეზე დაიძაბება, მათი მიღება იმის მანიშნებელი იქნება, რომ ინგლისი კატალონიელთა პოლიტიკის მომხრეა.
ეს არც ისე რეალური ვარიანტია, როგორც თქვენ გგონია. ვფიქრობ, რომ ყველაფერი ამ წერტილამდე არ მივა და “ბარსელონა” თამაშს კვლავ ესპანეთის ლა ლიგაში გააგრძელებს,” – აცხადებს ფრანგი სპეციალისტი.
