“დინამო” ბათუმი ბრძოლას აგრძელებს
ეროვნულ ლიგაში 29-ე ტურის შეხვედრა გაიმართა რაგბი არენაზე, ერთმანეთს “დინამო” ბათუმი და გორის “დილა” დაუპირისპირდნენ.
ბათუმელები გასავარდნ ზონაში იმყოფებიან და მათი უშუალო კონკურენტი სწორედ გორის “დილაა”, ამიტომაც ამ შეხვედრას მათთვის განსაკუთრებულო მნიშვნელობა ჰქონდა. პირველ ნახევარში ორივე გუნდი ცდილობდა გოლის გატანას, მაგრამ ამის გაკეთება ვერ შეძლეს. რაც შეეხება მეორე ტაიმს გუნდები შედარებით გააქტიურდნენ და საბოლოოდ “დინამოს” ფეხბურთელმა ელგუჯა გრიგალაშვილმა ლამაზი დარტყმით შეხვედრაში ერთადერთი გოლიც გაიტანა. ამ გამარჯვების შემდეგ აჭარლები “დილას” მხოლოდ ორი ქულით ჩამორჩებიან და დარჩენილ შვიდ ტურში შეეცდებიან, რომ გასავარდნ ზონას თავი დააღწიონ.
“დინამოს” სასტარტო შემადგენლობა: ტიმოფეევი, ფარტენაძე, ქორიძე, ვარშანიძე, შონია, სუხიაშვილი, გრიგალაშვილი, ტვილდიანი, მგელაძე, კვასოვი (არზიანი 66 (ქავთარაძე 86)), მარცვალაძე (ფლამარიონი 74)
სათადარიგო შემადგენლობა: ლევან შოვნაძე, ვალერიან თევდორაძე, თემურ ჩოგაძე, ნიკა კვანტალიანი.
“დილას” სასტარტო შემადგენლობა: მუჯრიშვილი, მაჩაიძე, რაზმაძე (ფლავი ნუბიო 64), წიქარიძე, ნონიკაშვილი (გოგიტა გოგატიშვილი 74), ფანცულაია, აბუბაკარი, კირკიტაძე, კვახაძე, მორასი, პედრინიო (გიორგი პაპავა 46)
სათადარიგო შემადგენლობა: გიორგი ბეგაშვილი, ოთარ კუსიანი, ადჯეი ჰეიფორდი, იმედია აშორტია
