მოდრიჩი: “რეალის” ყველა წარმატება ზიდანის დამსახურებაა”
მადრიდის “რეალის” ფეხბურთელმა, ლუკა მოდრიჩმა თავის მწვრთელზე, ზინედინ ზიდანზე ისაუბრა.
“როცა გავიგეთ, რომ კლუბის ლეგენდა ჩვენი მწვრთნელი უნდა ყოფილიყო, ამან ძალიან გაგვახარა. მისი ხელმძღვანელობით ჩატარებული ყველა ვარჯიში განსაკუთრებულია. ჩვენ ეს სიამოვნებას გვანიჭებს. ასევე, საწვრთნელი პროცესის დროს ხშირად ვხუმრობთ და ვერთობით. ის წარმატებები, რასაც ბოლო სეზონებში მივაღწიეთ, სწორედ “ზიზუს” დამსახურებაა.”
“რეალი” სამშაბათს ჩემპიონთა ლიგაზე ლუკას ყოფილ გუნდს, ლონდონის “ტოტენჰემს” შეერკინება.
“ტოტენჰემში” გატარებული ოთხი წლის შემდეგ, მივხვდი, რომ ახალი გამოწვევები მჭირდებოდა. “რეალი” ჩემთვის იდეალური კლუბი იყო. როცა მისი ინტერესის შესახებ გავიგე, მაშინვე გამოვრიცხე ყველა სხვა ვარიანტი. “ბერნაბეუზე” თამაში განსაკუთრებულია. ესაა ყველაზე ლამაზი სტადიონი, რომელზეც მითამაშნია. მინდა, აქ კიდევ დიდხანს შევძლო ასპარეზობა,” – აცხადებს ლუკა.
