გვარდიოლა: “ნაპოლის” ჩვენი დამარცხება შეუძლია”
“მანჩესტერ სიტის” მთავარმა მწვრთნელმა, პეპ გვარიოლამ ჩემპიონთა ლიგაზე, “ნაპოლისთან” გასამართ მატჩამდე პრესასთან ისაუბრა და აღნიშნა, რომ ამ მატჩს დიდი სიფრთხილითა და ყურადღებით ეკიდება.
“ჩემს ფეხბურთელებს ვაჩვენე და კიდევ ვაჩვენებ “ნაპოლის” მატჩების ამსახველ ვიდეოებს. მათ უნდა იცოდნენ, რა ელით წინ. იგივე გავაკეთე “შახტართან” მატჩამდე, რითიც ისინი დავარწმუნე, რომ ადვილი გასეირნება არ ელოდათ. იმედია, ეს ამჯერადაც იმუშავებს.
შეიძლება ითქვას, რომ “ნაპოლი” “შახტარს” ჰგავს, ერთნაირი სტილის თამაშს აჩვენებენ, მაგრამ განსხვავებაც საგრძნობია: “შახტარი” ყოველთვის ლოდინს ამჯობინებს, “ნეაპოლელები” კი გიჟური ზეწოლის ხარჯზე ცდილობენ სასურველი შედეგის დადებას. სისწრაფის ხარჯზე მათ ჩვენი დამარცხება შეუძლიათ,” – აცხადებს ესპანელი სპეციალისტი.
ცნობისთვის გეტყვით, რომ “ნაპოლისა” და “მანჩესტერ სიტის” შორის გასამართი მატჩი სტარტს 17 ოქტომბერს, თბილისის დროით 22:45 საათზე, “ეტიჰად სტედიუმზე” აიღებს.
