სიმეონე: “ამ მატჩში მხოლოდ მოგება დაგვაკმაყოფილებს”
მადრიდის “ატლეტიკოს” მთავარმა მწვრთნელმა, დიეგო სიმეონემ, რომლის გუნდიც ჩემპიონთა ლიგაზე საკმაოდ რთულ მდგომარეობაში იყმოფება, პრესასთან ისაუბრა და აღნიშნა, რომ მას “ყარაბაღთან” მატჩში მხოლოდ 3 ქულა დააკმაყოფილებს.
“რომასთან” გამართული შეხვედრა უნდა მოგვეგო, მაგრამ ვერ მოვახერხეთ, “ჩელსისთან” მატჩში კი გოლი არ უნდა გაგვეშვა. მიუხედავად იმისა, რომ ასეთმა დამოკიდებულებამ დიდი შედეგი ვერ გამოიღო, ტაქტიკის შეცვლას არ ვაპირებ. მჯერა, რომ სწორ გზას ვადგავართ და ასე გამარჯვებას შევძლებთ.
მზად ვარ, ყველა საჭირო ზომას მივმართო, რომ ხვალ ჩემმა გუნდმა სამი ქულის მოგება მოახერხოს. ამ მატჩში მხოლოდ სამი ქულა დაგვაკმაყოფილებს. მახსოვს, რომ გასულ წლებში “ასტანასა” და “როსტოვის” დონის კლუბებთანაც დავკარგეთ ქულები, რაც აღარ უნდა განმეორდეს. ვიცით, რომ ბაქოში მოგება რთული იქნება, მაგრამ ყველაფერი უნდა გავაკეთოთო ამისთვის,” – აცხადებს “ატლეტიკოს” არგენტინელი სპეციალისტი.
