ზიდანი: “თავს არ ვგრძნობ მსოფლიოს საუკეთესო მწვრთნელად”
ხვალ ლა ლიგა სანტანდრის მეცხრე ტურში მადრიდის “რეალი” “ეიბარს” დაუპირისპირდება.
შეხვედრის წინ ჟურნალისტებს “ბლანკოსის” მთავარი მწვრთნელი, ზინედინ ზიდანი ესაუბრა.
“თავს მსოფლიოს საუკეთესო მწვრთნელად არ ვთვლი. თუმცა, მივიჩნევ, რომ მსოფლიოს საუკეთესო კლუბში ვმუშაობ. რთული გრაფიკი გვაქვს. ყოველ სამ დღეში ვთამაშობთ და ვიცით, რომ შესვენებამდე მიყოლებით შვიდი თამაში უნდა ჩავატაროთ.მაგალითად, ჩემპიონთა ლიგის შეხვედრის შემდეგ ორი დღე გვქონდა ძალების აღსადგენად. ახლა თავს კარგად ვგრძნობთ.”
“ტოტენჰემთან” დაპირისპირება რთული გამოდგა. “ბერნაბეუზე” თამაში მოგვწონს, მაგრამ ის შედეგი, რაც დავაფიქსირეთ, ნამდვილად არ იყო სასიამოვნო ჩვენი გულშემატკივარისთვის. არ ვღელავ, რადგან დარწმუნებული ვარ, ჯგუფურ ეტაპს დავძლევთ. ხალხს დაავიწყდა, რომ ამ სეზონში უკვე ორი ტიტული მოვიგეთ და ერთი ტურნირი დეკემბერში უნდა ვითამაშოთ.”
“კრიტიკა ბენზემაზე? მხოლოდ მას კი არა, ყველას აკრიტიკებენ. კარიმს 60 გოლი არ გააქვს, თუმცა იტანს 30-ს და აკეთებს 40 საგოლე გადაცემას,” – ამბობს ზიდანი.
