ნაინგოლანი: “რომა” სკუდეტოსთვის იბრძვის”

რაჯა ნაინგოლანი საკმაოდ საინტერესო განცხადებას აკეთებს, რომლის მიხედვითაც, “რომას” მთავარი მიზანი იტალიის ჩემპიონატის მოგებაა, სადაც ამ დროისთვის მეხუთე პოზიციას იკავებს და 7 ქულით ჩამორჩება პირველადგილოსან “ნაპოლის” (ერთი მატჩი რეზერვში აქვთ).

“მართალია, ორ ძალიან მნიშვნელოვან მატჩში დავმარცხდით, მაგრამ “ტორინოსთან” მოპოვებული გამარჯვება და ორ გრანდთან მოპოვებული თითო ქულა იმას ნიშნავს, რომ პირველობა შეგვიძლია.

“სკუდეტოსთვის” ბრძოლა? პირველ რიგში, ჩვენი მიზანი სწორედ ეს არის. “რომა” ამბიციური გუნდია და მხოლოდ გამარჯვებისთვის არის შექმნილი. თუმცა, უნდა ავღნიშნოთ, რომ კონკურენტები ძალიან ძლიერები გვყავს,” – აცხადებს ბელგიელი ფეხბურთელი.

მიმდინარე სეზონში რაჯა ნაინგოლანმა სერია ა-ს შვიდ მატჩში შეძლო მონაწილეობის მიღება და ამ დროში თავის გამოჩენა ერთი გოლითა და ერთი საგოლე გადაცემით მოახერხა.