“ლივერპულის” ხელმძღვანელებმა 1,5-მილიარდიანი შეთავაზება მიიღეს

The National-ის მიერ გავრცელებულ ინფორმაციას თუ დავუჯერებთ, ინგლისური “ლივერპულის” ამერიკელმა მფლობელებმა კლუბის გაყიდვის სანაცვლოდ 1,5-მილიარდ ფუნტიანი შეთავაზება მიიღეს.

როგორც ცნობილი ხდება, Fenway Sports Group-მა მაშინვე უარყო აღნიშნული წინადადება, რომლის ავტორიც დუბაიში დაფუძნებული კომპანია გახლდათ. რისი ერთ-ერთი მთავარი მიზეზიც სატელევიზიო უფლებების გაყიდვის ხარჯზე ინგლისური კლუბების შემოსავლის მნიშვნელოვანი ზრდაა.

უფრო კონკრეტულად, შეთანხმების მიღწევის შემთხვევაში, “ენფილდელები” 1,2 მილიარდ ფუნტს მაშინვე მიიღებდნენ, დარჩენილი 300 მილიონი კი ბონუსების სახით იქნებოდა გაწერილი. ეს თანხა კი გაცილებით უფრო მეტია, ამერიკული კომპანიის მიერ 2010 წელს “ლივერპულის” აქციების შესაძენად გადახდილ 300 მილიონს.