ზიდანი: “ბარსელონასთან” სხვაობა რვა ქულაა, თუმცა ბრძოლაში დაბრუნება შეგვიძლია”

ზინედინ ზიდანის “რეალს” ესპანური ლა ლიგის ტიტულის დაცვა უჭირს. ჩემპიონატის მეათე ტურში “ბლანკოსი” “ჟირონასთან” დამარცხდა (1:2) და “ბარსელონასთან” არსებული ჰანდიკაპი რვა ქულამდე გაზარდა.

“სამი ქულა დავკარგეთ, “ბარსელონასთან” სხვაობა კი ექვსი ქულაა. ამ ყველაფერის მიუხედავად, არაფრის შეცვლას არ ვაპირებ. დარწმუნებული ვარ, რომ უკეთესი დღეებიც გვექნება, ჩვენ დავბრუნდებით, მეტოქეები კი ქულებს დაკარგავენ.

არ ვთვლი, რომ ცუდი თამაში ვაჩვენეთ. კარგად ვითამაშეთ, ბევრს ვცდილობდით და სწორედ ამიტომაც მაღიზიანებს, რომ ასეთი შედეგი მივიღეთ. ალბათ, კონცენტრაციის ნაკლებობის ბრალია ეს წაგება. მალე ყველაფერი გამოსწორდება,” – აცხადებს ზიდანი მატჩისშემდგომ პრესკონფერენციაზე.