კლოპი: “ყველას აქვს პრობლემები, “მანჩესტერ სიტის” გარდა”

“ლივერპულის” მთავარმა მწვრთნელმა, იურგენ კლოპმა ფეხბურთის დღევანდელ მდგომარეობაზე საუბრისას აღნიშნა, რომ ერთადერთი გუნდი, რომელსაც არანაირი დიდი პრობლემა არ გააჩნია, პეპ გვარდიოლას “მანჩესტერ სიტია”.

“მართალია, მიმდინარე სეზონში იღბალი ჩვენს მხარეს არ არის, მაგრამ ეს გამართლება ვერ იქნება. იღბალს ვერ მოითხოვ, ამისთვის მხოლოდ თავდაუზოგავი შრომაა საჭირო,” – აცხადებს კლოპი Sky Sports-თან საუბრისას.

გერმანელმა სპეციალისტმა პოჩეტინოს გუნდზეც ისაუბრა, რომელმაც “ლივერპულის” 4:1 დამარცხების შემდეგ ზედიზედ ორი მატჩი დათმო (“ვესტ ჰემთან” თასზე (2:3) და “მანჩესტერ იუნაიტედთან” ლიგაში (0:1).

“არ ვიცი, რამდენად ბევრს საუბრობს პოჩეტინო ამ თემაზე, მაგრამ ფაქტია, რომ ჰარი კეინის არყოფნის პერიოდში მათ ზედიზედ ორი მატჩი დათმეს. ისინი ბოლო ორი კვირის მანძილზე “ჰარი კეინის გუნდი” არ ყოფილან, მომავალში კი იქნებიან. შეიძლება ითქვას, რომ დღეს ყველას აქვს პრობლემები “მანჩესტერ სიტის” გარდა,” – აღნიშნა “კლოპომ”.