სიმეონე: “უგოლობასთან დაკავშირებული პრობლემები გვაქვს”

მადრიდის “ატლეტიკოს” მთავარმა მწვრთნელმა, “ყარაბაღთან” ფრედ დასრულებულ მატჩზე ისაუბრა, სადაც მადრიდელებმა რეკორდული რაოდენობის, 35 დარტყმა შეასრულეს მეტოქის კარის მიმართულებით (პირველად, 2003/04-ის შემდეგ), თუმცა მხოლოდ ერთი გაიტანეს.

“თამაში ცუდად არ დაგვიწყია, თუმცა, უფრო მეტი სიზუსტე გვმართებდა გადამწყვეტ ფაზაში. “ყარაბაღს” პირველი შეტევებით საკმარისი ზიანი ვერ მივაყენეთ, რასაც მათი გოლი მოყვა.

რაც უფრო მეტი დრო გადიოდა, მით უფრო ნერვიულები და შეშინებულებს ვემსგავსებოდით. შედეგად მივიღეთ ფრე, რაც, რა თქმა უნდა, ჩვენს გეგმებში არ შედიოდა.

ეს ყველაფერი უგოლობამ გამოიწვია. ადრე ასეთ მატჩებში მეტი გაგვქონდა და ვიგებდით კიდეც, წელს კი ეს დიდი პრობლემაა ჩვენთვის. ეს ხარვეზები უახლეს მომავალში უნდა აღმოიფრხვას, თუ რაიმე შედეგზე გვაქვს პრეტენზია,” – აცხადებს სიმეონე.