მანჩესტერული კლუბები გრიზმანისთვის იბრძვიან

2017 წლის ზაფხულის სატრანსფერო ფანჯრის დროს, ხშირად ვრელდებოდა ინფორმაცია იმის შესახებ, რომ “იუნაიტედს” საფრანგეთისა და მადრიდის “ატლეტიკოს” შემტევის ანტუან გრიზმანის დამატება სურდა, მაგრამ საბოლოოდ ტრანსფერი ჩაიშალა.

თუმცა დღეს ესპანური გამოცემა Sport’s-ი ავრცელებს ინფორმაციას, რომ ჟოზე მოურინიოს გრიზმანისადმი ინტერესი ისევ გააჩნია, მაგრამ “იუნაიტედს” ამჯერად ბრძოლა ქალაქელებთანაც მოუწევთ, რადგან “სიტის” ხელმძღანელობა აქტიურად ცდილობს მოლაპარაკების წარმართვას, როგორც “ატლეტიკოსთან”, ასევე გრიზმანის აგენტთან. ფაქტია ორივე კლუბის მხრიდან დაინტერესება რეალურია და ამიტომაც თანაქელექელებს ანტუანისათვის ბრძოლა მოუწევთ.

შეგახსენებთ, რომ ანტუან გრიზმანი “ატლეტიკოში” 2014 წელს გადმობარგდა. ფრანგმა მადრიდელთა მაისურით 173 შეხვედრა ჩაატარა და 86 გოლით გამოიჩინა თავი.