Diario Gol: “ბენზემა “რეალს” ტოვებს”
როგორც მოგეხსენებათ, კარიმ ბენზემა მიმდინარე სეზონში, არც თუ ისე შედგიანია და შეიძლება ითქვას, რომ ეს ფრანგი ფორვვარდისათვის ყველაზე ცუდი სტარტია მის კარიერაში.
ესპანური გამოცემა Diario Gol-ი ავრცელებს ინფორმაციას, რომ “არენალის” მთავარი მწვრთნელი უკვე დიდიხანია, რაც კარიმ ბენზემას დამატებას ცდილობს. ამჯერად “მეთოფეები” ბენზემას შესაძენად 40 მილიონ ფუნტს ამზადებენ. ბენზემას დამატებით ლონდონელები უკვე დიდი ხანია ინტერესდებიან, მაგრამ მოლაპარაკებები მადრიდულ მხარესთან უშედეგოდ სრულდებოდა. მაგრამ განვითარებული მოვლენებიდან გამომდინარე, არ არის გამორიცხული, რომ ფლორენტინო პერესმა აღნიშნული შეთავაზება განიხილოს, რადგან, როგორც აღვნიშნეთ მიმდინარე სეზონში ბენზემა საუკეთესო ფორმისგან შორსაა.
შეგახსენებთ, რომ კარიმ ბენზემა “რეალში” 2009 წელს გადავიდა. ამ მომენტისათვის, ფრანგს მადრიდელთა მაისურით 344 შეხვედრა აქვს ჩატარებული და 185 გოლით სამეფო კლუბის ისტორიაში რიგით მეშვიდე გოლიადორია.
