BBC-იმ 2017 წლის საუკეთესო აფრიკელი ფეხბურთელი დაასახელა (ფოტო)
მერსესაიდის “ლივერპულის” ეგვიპტელი შემტევი ნახევარმცველი, მუჰამედ სალაჰი BBC-იმ 2017 წლის საუკეთესო აფრიკელ ფეხბურთელად დაასახელა და შესაბამისი ჯილდოც გადასცა.
ამ პრიზისთვის ბრძოლაში სალაჰმა დორტმუნდის “ბორუსიას” გაბონელ თავდამსხმელს, პიერ ემერიკ-ობამეიანგს, “ლაიფციგის” შემტევ ნახევარმცველს, ნაბი კეიტას, თანაგუნდელ სადიო მანესა და “ჩელსის” ნიგერიელ ნახევარმცველს, ვიქტორ მოზესს აჯობა.
გეტყვით იმასაც, რომ მიმდინარე სეზონში სალაჰი ინგლისის პრემიერ ლიგის საუკეთესო ბომბარდირია 13 გატანილი გოლით და ამასთანავე, ამ უკანასკნელმა ეგვიპტეს მსოფლიოს 2018 წლის ჩემპიონატის საგზურიც მოაპოვებინა.
წლის საუკეთესო აფრიკელი ფეხბურთელის პრიზის წინა მფლობელები:
2016: რიად მარეზი (“ლესტერ სიტი” და ალჟირის ნაკრები)
2015: იაია ტურე (“მანჩესტერ სიტი” და კოტ-დიუვარი)
2014: იასინ ბრაჰიმი (“პორტუ” და “ალჟირი)
2013: იაია ტურე (“მანჩესტერ სიტი” და კოტ-დიუვარი)
2012: კრის კატონგო (“ჰენან კონტსტრაკშენი” და ზამბია)
2011: ანდრე აიუ (“მარსელი” და განა)
2010: ასამოა გიანი (“სანდერლენდი” და განა) Асамоа Гьян (Сандерленд и Гана)
2009: დიდიე დროგბა (“ჩელსი” და კოტ-დიუვარი)
