გიორგი ჭიაბრიშვილი “საბურთალოში” დარჩა
დედაქალაქურ “საბურთალოს” კვლავ გიორგი ჭიაბრიშვილი გაწვრთნის, რომლის ხელმძღვანელობითაც კლუბმა წლეულს ეროვნულ ლიგაში ასპარეზობა მეოთხე ადგილზე დაასრულა. ჩვენს მკითხველს ეცოდინება, რომ ჭიაბრიშვილს კლუბთან ხელშეკრულება ჩემპიონატის დასრულების შემდეგ დაუმთავრდა, მხარეები კი ახალ კონტრაქტზე შეთანხმდნენ.
ახლა თბილისელები საზამთრო არდადეგებზე იმყოფებიან. საბურთალოელები ახალი სეზონისთვის მზადებას იანვრის პირველ რიცხვებში შეუდგებიან.
შეგახსენებთ, რომ ჭიაბრიშვილი “საბურთალოს” 2014 წლიდან 2016 წლამდე წვრთნიდა, თუმცა ამის შემდეგ მან ცოტახნით კლუბი დატოვა. ექვს თვეში ის ისევ დაბრუნდა დედაქალაქელთა დამრიგებლის პოსტზე. მას 2017 წლის სეზონის შემდეგ “საბურთალოსთან” კონტრაქტის ვადა ამოეწურა, მაგრამ მხარეების შეთანხმების საფუძველზე ხელშეკრულება გახანგრძლივდა და მომავალ სეზონში ჭიაბრიშვილი ისევ თბილისელთა მწვრთნელი იქნება.
