ვარანი: “2017 წელი “რეალისთვის” შესანიშნავი გამოდგა”
დღეს მადრიდის “რეალი” მსოფლიო საკლუბო ჩემპიონატის ფინალში ბრაზილიურ “გრემიოს” დაუპირისპირდა და მინიმალური სხვაობით 1:0 დაამარცხა მეტოქე.
შეხვედრაში ერთადერთი გოლი კრიშტიანუ რონალდუმ 53-ე წუთზე საჯარიმო დარტყმით გაიტანა. მატჩის დასრულების შემდეგ გუნდის ცენტრალურმა მცველმა რაფაელ ვარანიმ მცირე კომენტარი გააკეთა: “ჩვენ ძალიან ბედნიერები ვართ. შეიძლება ითქვას, რომ ამ ტურნირში საკმაოდ იოლად მოვიპოვეთ გამარჯვება, მაგრამ წელს ძალიან დიდი შრომა გავწიეთ, ამიტომაც 2017 წელი “რეალისთვის” შესანიშნავი გამოდგა. წარმატების ერთ-ერთი მიზეზი ის არის, რომ გუნდი შესანიშნავი ფეხბურთელებით არის დაკონპლექტებული. რაც შეეხება რონალდუს ის შესანიშნავია, მის შესაძლებლობებზე არავინ დავობს”, – განაცხადა რაფაელ ვარანიმ.
მადრიდის “რეალი” ისტორიაში გახდა პირველი გუნდი, რომელმაც საკლუბო მუნდიალის მოგება ზედიზედ ორჯერ შეძლო, ხოლო ბოლო 4 წელიწადში ტიტულს მესამედ დაეუფლა.
